登入
讀者食評
第 81 至 90 個
讀者食評
| 東京@mytokyo 肥豬肉生薑燒 估唔到個食評未寫，佢已經摺咗，點都好，食過都寫寫佢啦！老婆同同事哩過食晏，話唔錯，趁星期六小弟做晏咗，就過哩同老婆食下午茶，下午茶時段2:30-5:45pm，環境較為幽暗，但三幾個哩食嘢傾偈都幾好嘅！食物選擇都幾多款，佢哋有個本月下午茶推介，啱啱係有兩款揀：豚肉生薑燒飯、豬軟骨拉麵（無其他嘢包，只得個飯同麵），我哋費事諗就揀咗依個推介，再加多少少錢要杯凍Mocha。 飯市可能幾旺吓，因為2:30pm哩到，好多枱都食完未有人執，而且，明顯人手不足，甚至我哋企咗好幾分鐘先有人招呼入坐。不過，坐低都好似無乜人理咁，因為環境又比較黑，要揚手幾次先搵到個侍應哩落單，一落完單佢又急急腳咁行開咗，應該仲係收拾緊枱面嘢，衰就衰在無乜表情，又無反應，好似行屍走肉咁。
下午茶市其實無乜人，所以都唔知點解我哋D嘢要等咁耐！豚肉生薑燒飯，唔得，我只係覺得係一碗洋蔥加埋薑片炒肥豬肉嘅珍珠飯，D豚肉超肥，肥過D整梅菜扣肉嘅豬肉，食完一口油！反而，個豬軟骨拉麵似模似樣，至少奶白湯底有豬骨味，豬軟骨就稍微韌咗少少，拉麵都OK，有彈性！最滿意竟然係杯凍Mocha，夠大杯，夠冰凍，仲夠啡味同朱古力味，哈哈！ |
garycwm | |
| 赤川日本料理 粉嶺都有高質素日本料理
成日經過見到赤川個門面咁有格調都心思思想試下, 今晚就拉埋男友來食晚餐. 一入去見到都8-9成full, 但侍應都安排左4人卡位比我地, 坐得好舒服. 今晚我地食左: 櫻花魚生沙律: 魚生有好多款, 有三文魚, 吞拿魚, 八爪魚, 墨魚, 鮑片, 蝦. D 菜又好新鮮, 配上酸酸地既日式沙律汁, 好開胃! 赤川極上壽司盛合: 見佢係用另外既餐牌寫開, 可能而家做promote先有. 1 set有8件唔同既壽司, 件件都新鮮同大件, 覺得比起其他連鎖店既壽司好食. 鮮茄海鮮鍋: 海鮮既種類都好多, 有青口, 蝦, 魷魚等, 湯底有濃郁既蕃茄味. |
ANGBEE | |
| 六福菜館 酒樓環境乾淨企理，海鮮煮起來味道不俗，特別推介蕃茄薯仔魚湯！雖然米芝蓮級，但收費合理，到西貢食海鮮會再選此餐館！ |
|
|
| Subway 今日又心郁郁想食subway, 試o左個燒牛肉堡, 好味~~我諗我愛上o左subway lur......快靚正啊嗎..... |
sasa80112 | |
| 橫綱日本麵店 今次用左1小時10分[排隊時間]卒之食到啦 |
agness | |
| 新大壽日本料理店 新1次試這間日本餐廳, 找地址, 原來它是在山林道一帶的食肆 |
agness | |
| Haagen-Dazs 想食Haggen 出的雪糕火鍋好耐, 今天終於有機會試 |
agness | |
| 泰肥牛泰國海鮮菜館 泰式海鮮好味 好耐無寫食評，早排同屋企人去佐敦廟街新開的「泰肥牛」食飯，店內環境唔錯，店員都好有禮貌好有耐性，幫我哋詳細介紹辣與唔辣的選擇，知我哋有小朋友，就介紹我哋食「芋頭肉碎飯」，好香，料好足。 前菜點了「炸蝦餅」好惹味，個汁勁辣，好正！「海蝦刺身」好新鮮，個汁辣得嚟仲要keep好耐。「酸辣鳳爪」都唔錯。 因為有十個人，所以點了兩個湯，「冬陰功大頭蝦湯」好香，隻大頭蝦好大。「豆腐紫菜肉碎湯」好啱小朋友飲，足料。 主菜點了招牌菜「絕招炒花甲王」，夠香，d花甲肉大大粒，好甜，個汁用嚟送飯真係一流，辣辣地。店員推介「地道曼谷燒鱔」好厚肉，聽講係用兩斤幾重大鱔燒，唔難得又肥又無細骨，一啖咬落去，口感唔錯。大串燒，有豬牛雞羊，每款要幾支，因為即燒，所以要等，但都值，即燒就唔會「鞋」口。「茄子肉片」都好味，有d似中式魚香茄子，幾有創意。有兩個菜，「飛天通菜」、「珍珠荀菇粒豆腐」，大人細路都啱食。 最後要讚個「蝦炒金邊粉」，媽咪好鍾意食，因為跟埋d花生碎同青檸上枱，可自行加多加少，唔夠仲可以攞多兩粒青檸。 唯一遺憾係食唔到個「咖喱蟹」，因為當晚好爆場，枱枱都有人食緊，咁多人食一定係好嘢，但到我想點時已沽清，店員猛話唔好意思，又送咗張現金劵俾我下次用，都好，下次一定要食！ |
superp | |
| 彩晶軒 觀塘鱷魚恤中心有好幾間酒樓, 但每次都會選擇左v cuisine~ 食物質數有保證, 價錢又合理! 上星期同屋企人去食晚飯小菜, 4個人都係二百幾,最估唔到係呀媽一路食一路讚! 黎緊父親節可以可去呀! 小菜唔錯之餘, d甜品都好正, 今次試左楊枝金露, 呀媽就試左龜靈膏, 都好好味~ 總覺得食完飯要食d甜品先滿足~ 哈哈 |
luckyman | |
| 麗豪酒店 - 濠餐廳 母親節自助午餐 – 平得哩都OK! 晌母親節食自助餐，平唔得去邊，難得搵到麗豪嘅自助午餐，唔太貴之餘，仲竟有六折信用卡優惠，有D出奇，怕無咁筍，睇番食評，好壞參半，我班親戚對食又要求唔大，佢哋最緊要唔好太貴啫，所以即管試試，一大班親戚大大細細浩浩蕩蕩成廿人，大擦一餐啦！ 差唔多12:00pm到場，仲未入得，但已有好多人晌度等入去，話晒母親節，梗好多人哩慶祝。夠鐘入得喇，個場都幾大，正中間係食物區，大部份食物都係晒度，一眼睇晒，唔算話超多嘢食，但以一個午餐計，樣樣類別都有三五七款，夾夾埋埋幾廿款嘢都夠晒啦。好快入座率都去到八八九九，依家就覺得D位有D逼喇；而另一個問題係今日實在好多人，食物補充得比較慢，再加上有D人唔係好有禮貌同無乜公德，搞到後尾變得有少少暴民搶食嘅感覺，尤其一D比較貴價少少或熱門D嘅食物，情況就更差！其實佢哋嘅招呼算唔錯，一揚手就過哩幫你，收碟斟水無停手，奈何人太多，人手真係有少少不足。 食物都係例牌個句，沙律、中湯西湯、魚生、壽司、冷盤、熱盤、咖喱、飯麵、甜品、生果、雪糕樣樣齊，差唔多大部份嘢食都有試，但真係無話邊樣嘢食好深刻好有印象，只係覺得味道唔錯，中規中矩，母親節正日哩講，咁嘅價錢真係抵，最低限度食得班姪仔姪女好開心啦。雖然環境、招呼、食物，整體感覺都OK嘅，但就因為出現搶食，令印象扣咗分啫！ |
garycwm | |
不過平均每個菜都要等15分鐘, 
我地等等下都飽左
