登入
讀者食評
第 91 至 100 個
讀者食評
| 元綠壽司 唔係貴嘢，知足常樂 好早前銀行做推廣嘅一個二人前，依家無做咯，志在貪平去食吓，加埋一先係$155，已經有三文魚壽司、燒芝士蝦壽司、芝加哥辣汁卷、一番冷素麵、軟殼蟹手卷、天婦羅龍脷柳、地獄蜆鍋、日式炸雞同兩杯飲品，因為係元綠，所以哩之前都無特別期望係D咩高質素嘅嘢，但係以咁嘅價，包咗咁多嘢，味道又唔差，覺得個餐真係超晒值！況且，平時依間嘢人唔太多，兩個人可以揀坐四個人枱，坐得輕鬆闊落，環境、裝修都係簡約西餐廳咁款，服務都OK，唔會叫極都無人理，而且佢哋有D早段時間優惠，因為以入單時間計，所以見有侍應趁截時之前都提一提D客仲加唔加嘢，就算唔加，都無話催埋單嘅小動作。可能今晚閒日啦，客唔多，人多時唔知服務仲係唔係保持水準！ 講吓今餐食嘅嘢先：
三文魚壽司、燒芝士蝦壽司、芝加哥辣汁卷 - 壽司就普通D，燒芝士蝦其實都只係晌甜蝦上面加多半塊芝士再燒一燒，而芝加哥辣汁卷用嘅雖然都係普通餡料，個樣又做得唔係咁靚，但賣點都係個辣汁度，醮D辣汁食，又確係幾醒胃。
一番冷素麵 – 天氣熱食冷麵，寧舍爽嘅，有甜蝦，有蟹柳，加埋青瓜絲，都幾好！
軟殼蟹手卷 – 飯粒軟熟，紫菜都夠脆，配軟殼蟹，幾鍾意嘅手卷之一。
天婦羅龍脷柳 – 兩舊仔炸龍脷柳，加幾舊野菜，龍脷柳就一定係雪藏貨啦，好彩脆漿唔厚，加少少黑椒粉提提味，又夠熱辣辣，味道都唔錯！
地獄蜆鍋 – 雖然話地獄，不過唔算好辣，小弟唔食辣都頂得到，一鍋都有幾多蜆，肉質OK無霉無沙，真係算唔失禮架！
日式炸雞 – 普通咗D，只係炸雞塊，點沙律醬食，唔太覺點日式法，不過鐘意香口嘢嘅人都會覺得OK嘅，而且又可以大啖大啖肉咁食。
整體哩講，元綠始終係集團式經營關係，來貨價可以攞平D，而且佢少賣高檔嘢或貴價嘢，所以價錢幾大眾化，論質素不過不失咁啦，好似一般唔係下下都要豪食、食高級嘢嘅人，元綠都算過得去啦！雖然唔係貴嘢，只要知足常樂，一樣食得開心。留意，可能佢哋午市無乜人幫襯，依家改咗6:00pm先開門，做到凌晨4:00am，俾D尖咀夜遊人蒲完食宵夜，唔怪之得前個星期日晏晝經過見佢日光日白閂晒門，仲以為執咗笠添！ |
garycwm | |
| Subway 我最鍾意試人地推介o既野食, 哈哈, subway 個名其實已經聽過好耐啦, 不過一路都未食, 呢排聽d fd 講得多, 都試o左兩次, 哈.......都幾好味....push push |
janisngng | |
| 好彩海鮮酒家 suger pos餐廳落單系統食肆使用 獨有! 可改動餐檯位置及大小功能, 適合任何大小店舖 |
ceci9237 | |
| 好彩海鮮酒家 同學聚舊, 我地通常都揀中式酒樓, 貪可以坐得耐同埋傾計方便d 我地一行12人叫左個每席 $1980 的海鮮全包宴 個set 先黎個日本鮮鮑魚, 同海皇羹 跟著仲有xo 醬桂花蚌, 花彫蒸紅蟹, 明蝦球, 真係全部餸都係海上鮮 我地快快樂樂咁又一晚, 既滿足口腹之慾, 也滿足了歡聚之樂 而且每人都不用 $200, 出西貢食海鮮都要500蚊位, 依度真係好抵!
|
agness | |
| 山西刀削麵皇 功架 荃灣真係好多唔同嘅麵食，乜麵都有，今次輪到試吓刀削麵，同個朋友哩，我唔食辣所以叫五香牛展刀削麵，哩依度刀削麵梗係首選啦，因為夠膽叫自已做山西刀削麵皇，又晌一入門口就被你睇到師傅係度削麵，大大方方俾人睇，唔怕貨比貨，都應該係對自己有信心嘅表現；再者，唔單只刀削麵即叫即做，拉麵都係，有單先拉好麵條落去煮，所以，老友叫咗碗麻辣牛展拉麵！ 五香牛展刀削麵，牛展炆得足時間鹵得夠入味，所以腍身又嗒出鹵水香；刀削麵睇住師傅即削，左手托住一大大舊麵糰，右手一刀刀咁削落去，盡顯功架，更重要係出哩嘅麵條大細相差無幾，條條咬落煙韌而唔會一舊粉，覺得全因師傅動作快，所以令全部麵條所煮嘅時間都差唔多；湯底係濃湯，雖然無問，估佢係牛骨湯！ 麻辣牛展拉麵，唔好以為同上面嘅五香牛展一樣，只係加咗花椒辣椒就變成麻辣，首先，佢個麻辣牛展係分開上，另外用小碟裝住，屬於涼食，而牛展切得非常薄身（比上面五香牛展薄好多），所以食落有種爽口感；麻辣，唔多食得辣嘅我，淺嚐一小塊就夠晒皮，果然又辣又麻；老友話拉麵都好彈牙，即拉當然係唔同D啦，而且好大碗，勁飽呀！ |
garycwm | |
| Subway 琴日同個同事突然間興起想食三文治, 即刻諗起美式subway.....因為好多選擇, 好多配搭同埋唔算貴....$29 就可以有個6吋包.....同事女話要節食, 揀o左個超低卡o既有豐富vegetable o既包, 我就比較貪心, 加o左$15 要埋杯野食同薯片, 哈, 好開心....個包都好有份量架.....食到好滿足, 最開心其實都係同事女, 佢話食完都唔會guilty, 因為低卡啊嗎, 佢無覺得肥....哈哈......都應該推介俾大家...... |
roycejoycecc | |
| 好彩海鮮酒家 超好食既賽螃蟹伊麵 星期日 同屋企人去九龍灣睇傢私之前去左飲茶, 驚九龍灣d 酒樓好多人搵唔到位 我地叫左個賽螃蟹伊麵, 粉果, 糖薑皮蛋叉燒酥, 同埋千層峰拌海哲 見到酒樓好多人, 以為d 野實要等好耐
|
jellybean | |
| 牡丹庭高級廣東料理 任食點心下午茶 之前都有哩過食晚飯，環境同食物都覺得唔錯，見佢賣廣告做緊點心任點任食下午茶，$50位試得過喎，即刻拉埋同事星期六收工過哩試吓先！星期六，2:00-4:00pm，$50位（要兩位起），，但另收茶錢$8位，1-4人收一碟花生錢$10（4-8人收兩碟，如此類推），再加埋一，所以同同事兩個人，埋單就變咗每人$70喇！如果有番咁上下食量嘅人就梗係抵到爆，否則，咁嘅價錢同你出去普通酒樓飲餐茶差唔係好多。不過話說回頭，如果要係度飲茶食點心，同樣以星期六下午茶，散叫計，小點$11.8，中點$14.8，大點$17.8，所以個任食下午茶一個人食到3-4籠嘢都叫翻本喇！ 因為任點任食關係，1:45pm上到哩見到人山人海排隊攞籌，有個疑似闊太驚蝕底攞得慢好似去咗世博睇中國館咁想搶籌，話晒依度係香港，大家都係香港人，使唔使呀？側邊仲有D外國遊客添，失禮死呀！個疑似闊太攞咗籌仲猛咁成日問有位未呀？仲未輪到我哋？唉，製造嘈音！大堂裡面雖然枱排得比較逼，但我哋兩個人都係比一張枱，絕對無搭枱嘅事，所以坐得舒舒服服，人手足招呼都好好，而且，3:30pm截單，3:20pm左右佢哋會有人主動問你仲有無嘢想加想要，唔會怕你再叫多D而扮唔聲唔聲！
等咗15-20分鐘左右就有位，兩個人吹吓水就過咗啦！好嘢，埋位喇，真係好肚餓。任點任食點心紙，有27款點心，3款迷你炒粉麵，3款燒味湯粉麵，我哋得兩個人，粉麵飯梗後唔使諗啦，主攻點心架喇，第一輪一口氣叫咗8樣嘢，蜂巢芋角、千島蝦春卷、南瓜粟米粥、香煎蘿蔔糕、蜜汁叉燒腸、皮蛋叉燒酥、翡翠菜苗餃同蟹籽燒賣，因為每樣嘢上枱，個樣都熱辣辣，咬落仲幾燙口，而且由落單到有得食都要等十分八分鐘，所以都覺得佢係即叫即整嘅。好似個千島蝦春卷咁，哩到咬落真係好熱，外邊整春卷多數都炸定一大盤，有人叫就夾幾條出去，哩到就算唔凍都只係微暖，故此，雖然係任點任食，都見到酒樓都想做好D水準，無話偷懶整定晒。
除咗新鮮熱辣做出哩之外，味道都好對辦：
蜂巢芋角，外層「蜂巢」鬆香，內層就芋頭粉香；
千島蝦春卷，真係想再添食架，每條春卷裡面都有大大隻蝦，外皮炸得甘脆，佔D千島汁醬，醒胃之餘，又減低個油膩感；
南瓜粟米粥，潮流興無添加，依個係添加版，添加咗冬菇絲，多份菇香，變得無咁「寡」，而本身嘅粥底夠綿，南瓜又夠，入晒味落個粥度，粟米就增加個咬口感；
香煎蘿蔔糕，麻麻哋，蘿蔔味唔濃，咁就已經影響晒個印象；
蜜汁叉燒腸，一般，個腸粉皮削咗D，唔算滑，所以叉燒做得好都失晒分；
皮蛋叉燒酥，焗得酥皮好香，叉燒餡又做得好味，不過，就唔係好覺有皮蛋囉？
翡翠菜苗餃，餃皮晶瑩，夠薄又唔黐牙，菜苗刴得夠細碎，包得冚一冚，令到菜苗餃漲卜卜，正！
蟹籽燒賣，都唔錯，無乜肥豬肉。
臨尾再叫個步步千層糕同香麻糖不甩當甜品，點知兩個都話賣晒，得番個精選甜品，精乜鬼選丫，查實就只不過紅豆沙，唉，都好啦，無想食嘅甜品都係有D失落！
|
garycwm | |
| 好彩海鮮酒家 Special food 同成班同事行行下APM..突然肚餓想食點心..問下個同事..於是佢就帶我行左去E間好彩 第一次去..睇個外表諗住都係一間普普通通既茶樓..點知佢D食物一D都唔普通 : 首先係個丫錦囪雲吞: 平時去既茶樓都唔見有LEE樣野食..最多我都只係0係油麻地哥間 '' 美都餐室 '' 見過 跟住係海蜇千層峰: 平時都幾中2食豬耳..加上咬落去都有海蜇哥種''爽''..特別好食(到而家都仲回味緊) 當然 , 我地都有食其他點心..不過冇乜特別..所以就唔係度講啦 |
aesopr21543 | |
| Subway Subway d 包包原來好好食!!! 放飯時間搵食真係好鬼煩….人多到呢…排完都唔洗食…今日唔多舒服,諗住是但買d野上office食. 見到subway個牌,三十幾蚊個包諗住試下,嘩,勁到呢,咩到有得揀! 個女仔係咁問我要咩包,幾大,咩醬! 超開心!!! 佢左加右加,個包大到呢~好滿足既一餐! 見到佢d傳單原來每個包都唔係好高卡! 你地都試下啦~ |
sasa80112 | |
..
